1. ទូទៅ

1.1 គោលបំណង
លក្ខខណ្ឌ និងកិច្ចព្រមព្រៀងទាំងនេះ ត្រូវបានរៀបចំឡើង ដើម្បីធានាថាកម្មវិធីដំណើរការយ៉ាងយុត្តិធម៌ និងមានប្រសិទ្ធភាព ដោយកំណត់ស្តង់ដារប្រតិបត្តិការនៃកម្មវិធីត្រា (ក្រោយនេះហៅថា “កម្មវិធី”) ដែលផ្តល់ដោយ Sky Angkor Airlines (ក្រោយនេះហៅថា “ក្រុមហ៊ុន”) ព្រមទាំងសិទ្ធិ និងកាតព្វកិច្ចរបស់សមាជិក និងស្តង់ដារសម្រាប់ការសន្សំ និងការប្រើប្រាស់ត្រា។

 

1.2 សិទ្ធិចូលរួម
បុគ្គលដែលមានអាយុចាប់ពី 12 ឆ្នាំឡើងទៅ អាចចូលរួមក្នុងកម្មវិធីនេះបាន។
ការធ្វើដំណើរមុនពេលចុះឈ្មោះជាសមាជិក មិនមានសិទ្ធិទទួលបានការបូកបញ្ចូលត្រាទេ។

 

 

2. ការសន្សំត្រា

2.1 លក្ខខណ្ឌសន្សំ
① ត្រានឹងត្រូវបានបូកសរុបដោយផ្អែកលើជើងហោះហើរដែលក្រុមហ៊ុនបានកំណត់ ។
② ជើងហោះហើរមិនតាមកាលវិភាគមួយចំនួន រួមទាំងជើងហោះហើរជួល (charter flight) អាចត្រូវបានដកចេញពីការបូកសរុបត្រា។
③ ទារក និងកុមារមិនមានសិទ្ធិទទួលត្រាទេ។
④ ករណី offload ឬ no-show មិនអាចប្រមូលត្រាបានទេ។

 

2.2 លក្ខខណ្ឌប្រើប្រាស់
① ការបូកបញ្ចូលត្រានឹងត្រូវបានផ្តល់ជូនតែពេលដែលសមាជិកឡើងជិះយន្តហោះដោយផ្ទាល់ខ្លួនប៉ុណ្ណោះ។
② ឈ្មោះអ្នកដំណើរនៅលើលិខិតឆ្លងដែន ត្រូវតែដូចគ្នាបេះបិទនឹងឈ្មោះដែលបានចុះឈ្មោះក្នុងគណនីសមាជិកកាតនៅពេលធ្វើការបូកបញ្ចូលត្រា។
③ បើមានការផ្លាស់ប្តូរព័ត៌មានលិខិតឆ្លងដែន សមាជិកត្រូវធ្វើបច្ចុប្បន្នភាពក្នុង My Page។

 

2.3 ពេលវេលានៃការបូកបញ្ចូលត្រា និងការទាមទារ
① ត្រាត្រូវបានបញ្ចូលដោយស្វ័យប្រវត្តិក្នុងរយៈពេល 48 ម៉ោងក្រោយការធ្វើដំណើរ។
② បើត្រាមិនបានបញ្ចូល សមាជិកអាចដាក់ពាក្យទាមទារក្នុងរយៈពេល 30 ថ្ងៃ។
③ ករណីមានកំហុសក្នុងការបញ្ចូល អាចដាក់ពាក្យស្នើរសុំកែតម្រូវក្នុងរយៈពេល 30 ថ្ងៃ។

 

2.4 ការគ្រប់គ្រងការសន្សំត្រាស្ទួន ឬ ការក្លែងបន្លំ
① ក្នុងករណីមានការបូកសរុបត្រាស្ទួនសម្រាប់ជើងហោះហើរដូចគ្នា ត្រាស្ទួននឹងត្រូវបានដកចេញដោយស្វ័យប្រវត្តិ។ ② ប្រសិនបើមានការបញ្ជាក់ថា បានបូកសរុបដោយប្រើព័ត៌មានរបស់អ្នកផ្សេង ឬព័ត៌មានមិនពិត ត្រាដែលបានទទួលដោយការក្លែងបន្លំនឹងត្រូវបានដកចេញ ហើយការរំលោភបំពានជាបន្តបន្ទាប់អាចនាំឱ្យមានការផ្អាក ឬបញ្ចប់សមាជិកភាព។ ③ ប្រសិនបើរកឃើញការបូកសរុបខុសដោយសារកំហុសប្រព័ន្ធ ឬការប្រើប្រាស់មិនត្រឹមត្រូវ ក្រុមហ៊ុនអាចដកចេញត្រានោះដោយមិនចាំបាច់ជូនដំណឹងជាមុន។

 

 

3. ការប្រើប្រាស់ត្រា និងអត្ថប្រយោជន៍

3.1 លក្ខខណ្ឌប្រើប្រាស់
① អត្ថប្រយោជន៍ត្រាអាចប្រើបានតាមស្តង់ដារដែលកំណត់។
② អត្ថប្រយោជន៍មិនអាចផ្ទេរទៅអ្នកដទៃ។
③ គូប៉ុងជ្រើសកៅអីឥតគិតថ្លៃ អាចប្រើបានតែសមាជិក។

 

3.2 ការកំណត់ និងគោលនយោបាយកៅអី
① ការចាត់កៅអីអាចមានកំណត់ដោយសារប្រភេទយន្តហោះ ឬកាលវិភាគ។
② អត្ថប្រយោជន៍មានសិទ្ធិប្រើតែជើងហោះហើរទៀងទាត់។

 

 

4. សុពលភាព និងការផុតកំណត់

4.1 រយៈពេលសុពលភាព
① បើគ្មានសកម្មភាពក្នុងរយៈពេល ២ ឆ្នាំ គណនីអាចត្រូវបិទ។
② ត្រាដែលមានសុពលភាពរយៈពេល ២ ឆ្នាំ គិតចាប់ពីថ្ងៃដែលបានបូកបញ្ចូល ហើយត្រាដែលផុតកំណត់ នឹងត្រូវបាត់បង់ដោយស្វ័យប្រវត្តិ។

 

4.2 គណនីអសកម្ម
បើគ្មានសកម្មភាពក្នុងរយៈពេល 2 ឆ្នាំ ត្រាអាចផុតកំណត់ដោយមិនជូនដំណឹង។

 

 

5. កម្រិតសមាជិកភាព

5.1 ការដំឡើងកម្រិតនៃកាតសមាជិក
បើចំនួនត្រាឈានដល់លក្ខខណ្ឌ កម្រិតសមាជិកភាពនឹងត្រូវដំឡើងដោយស្វ័យប្រវត្តិ។

 

6. ផ្សេងៗ

6.1 ការសងប្រាក់ និងការដកត្រា
① ករណីសំបុត្រត្រូវបានសងប្រាក់ ឬ no-showត្រានឹងត្រូវដកចេញ។ ② ត្រា និង​គូប៉ុងដែលមិនបានប្រើ មិនអាចសងប្រាក់វិញបាន។

 

6.2 ការផ្លាស់ប្តូរលក្ខខណ្ឌប្រើប្រាស់
ការប្រើប្រាស់អត្ថប្រយោជន៍មួយចំនួន អាចនឹងត្រូវបានកំណត់ ឬដាក់កំហិត ដោយសារប្រតិបត្តិការអាកាសយានដ្ឋាន ឬការផ្លាស់ប្តូរលក្ខន្ធិកៈរបស់ក្រុមហ៊ុន ហើយកម្មវិធី និងអត្ថប្រយោជន៍របស់វា អាចនឹងត្រូវបានកែប្រែដោយមិនជូនដំណឹងជាមុន ស្របតាមលក្ខន្ធិកៈរបស់ក្រុមហ៊ុន។